Хабарингиз бор, “Пахтакор” бош мураббийи Самвел Бабаян бундан буён Ўзбекистон миллий терма жамоасида фаолият кўрсатади.
ЎФФ талабига кўра, Бабаян “Пахтакор”дан кетиб бор эътиборини терма жамоага қаратиши керак. Бу эса ўз-ўзидан “Пахтакор”ни тез орада янги мураббий қабул қилиб олишини англатади.
“Шерлар”ни яқин вақт ичида янги бош мураббий бошқаришини Самвел Бабаяннинг ўзи ҳам тасдиқлади.
Янги бош мураббий 8 июлга қадар оммага таништирилиши кўзда тутилган. Олган маълумотларимизга кўра, “Пахтакор”га хорижлик мутахассис таклиф қилинади. Хозирда музокараларнинг сўнгги босқичи давом этмоқда. Ушбу маълумотни клуб ходимлари тасдиқламади, аммо инкор ҳам қилишгани йўқ.
Фикримизча, “Пахтакор”нинг янги устози катта эҳтимол билан Сербия ёки Черногориядан бўлади. Ўзингизга маълум, футболимиз байроқдори бу мамлакатлар мутахассислари билан яхши алоқаларни йўлга қўйган.
