“Манчестер Юнайтед” ҳимоячиси Маркос Рохо клубдаги жамоадошлари тўғрисида фикр-мулоҳазалари билан ўртоқлашди.
“Менимча, Анхель – “МЮ” таркибидаги энг истеъдодли футболчи. Клубда ажойиб футболчилар кўп, лекин Анхель жамоада ва дунёда энг яхши ўйинчилардан бири. Мавсум у учун оғир ўтди, жамоага кўникиши қийин кечди, бироқ бу ҳаммаси нормал ҳолат. Мен унинг келажакда ажойиб ўйинлар намойиш қилишига ишонаман.
Де Хеа агар дунёнинг энг яхши дарвозабони бўлмаса, у ҳолда шунга интилаётган кипер. У премьер-лигага кўникиб кетган. Давид ғайриоддий даражадаги ўйин намойиш қилади. Ушбу ажойиб посбоннинг бошқалар эътирофига ҳам сазовор бўлаётганидан хурсанман”, – дейди Рохо.