Илгари хабар берганимиздек, хорижий чемпионатларида нафақат ҳужумчи-ю ярим ҳимоячиларимиз, балки ўзбекистонлик дарвозабон ҳам тўп суради.
Мальдив ороллари чемпиони “Нью Радиант СК” жамоасида фаолият олиб бораётган ҳамюртимиз Алишер Аҳмедов жорий мавсумда ОФК кубоги мусобақасида иштирок этди. Анчагина дадил тарзда ўйнаган ушбу 27 ёшли посбон жамоасининг халқаро майдонда муносиб тўп суришида ўз хиссасини қўшди.
Қуйидаги видео-лавҳада ҳамюртимиз Алишер Аҳмедовнинг ўйинларини томоша қилиш имконига эгасиз.
Кўриб турганингиздек, Алишер ёмон ўйнаётгани йўқ. У тўпга отилиш ва, айниқса, рақибнинг тезкор ҳужумларини бартараф этишда жуда яхши ҳаракат қилмоқда. Балким, уни тез орада миллий терма жамоамиз сафида ҳам кўриб қолармиз…