"Манчестер Юнайтед" Чемпионлар лигасига чиқа олмади, бу эса клубга нафақат спорт, балки молиявий томондан ҳам зарар келтирди.
Шу сабабли, "қизил иблислар" келаётган ёзда футболчиларни фаол равишда сотиши мумкин.
The Telegraph нашри хабарига кўра, "манкунианликлар" аксарият футболчилар бўйича таклифларни кўриб чиқишга тайёр. "Манчестер Юнайтед" мослашувчан ёндашувни қўллашга тайёр. Масалан, клуб Маркус Рэшфордни сотмоқчи эмас, аммо ҳужумчи бўйича қулай таклиф тушса, уни кўриб чиқишга тайёр.
Қайд этилишича, "Манчестер Юнайтед"нинг дахлсиз футболчилари рўйхатида учта футболчи бор - Кобби Майну, Алехандро Гарначо ва Расмус Хойлунд.
