Қатар майдонларида U-23 Осиё чемпионати давом этяпти. Бугун биринчи ярим финал доирасида Ўзбекистон-Индонезия терма жамоалари тўқнаш келди. Олимпия жамоамиз ишончли 2:0 ҳисобида ғалаба қозонди.
Учрашувдаги биринчи голни 69-дақиқада захирадан майдонга тушган Ҳусайн Норчаев киритди. У Муҳаммадқодир Ҳамралиевнинг узатмасини голга айлантирди.
86-дақиқага келиб Жасур Жалолиддинов жарима зарбасини амалга оширди. Дарвозабон тўпни қайтарди, аммо ҳимоячи Пратама Архан ўз дарвозасига тўпни киритиб юборди.
Ушбу натижа билан Ўзбекистон Олимпия терма жамоаси Париж-2024 йўлланмасини нақд қилди. Бундан ташқари чемпионат финалига чиқди.
