Сўнгги ҳафталарда ҳужумчи Роберт Левандовски ёзги трансфер ойнасида Саудия Арабистонига бориши мумкинлиги ҳақида миш-мишлар тарқалди. Бироқ, Spanish Sport хабарига кўра, 35 ёшли польшалик фақат "Барселона" ҳақида ўйлайди. Левандовскининг шартномаси 2026 йилнинг ўрталарига қадар тузилган ва форвард жамоа билан камида яна бир мавсум ўйнашни режалаштирган.
Таъкидланишича, Левандовски бу мавсумда унвонлар йўқлигидан норози, бироқ у Хавини тўлиқ қўллаб-қувватлайди ва "Барса"нинг кейинги мавсумдаги имкониятларини қадрлайди. Польяк ўз тажрибаси туфайли кийиниш хонасида етакчилардан бири бўлиб муҳим роль ўйнайди. Шундай қилиб, Роберт жамоадошларини машғулотларда яхшироқ ва шиддатли ишлашга ундайдиган футболчилар қаторига киради.