Sky Sports эксперти Жейми Реднапп «Челси»нинг янги аъзоси Радамель Фалькаонинг келажаги борасида тахминлар билдирди.

«Атлетико»да ўйнаган вақтлари Фалькао мен кўрган ҳужумчилар орасида энг кучли ўйинлардан бирини кўрсатган эди. Бироқ бўлажак мавсум давомида Фалькао тез-тез захира ўриндиғида қолдирилади», - деди Реднапп.

«Ҳозир «Челси»га асосий таркибда майдонга тушмаса, жаҳл қилмайдиган, фақат жамоадоши жароҳат олганида биринчи дақиқадан майдонга тушишга рози ҳужумчи керак. Фалькао бу борада Диего Коста билан рақобатлашади, «Челси» биринчи галда Костага ишонади», - деди эксперт.

«Буни «Челси»нинг исталган ишқибози тушуниб турибди. Бундан ташқари, «Челси»да Реми ҳам бор. Фалькао шунчаки «Челси»нинг бир қисми бўлишдан қониқаяпти, шекилли. Бу бироз афсусланарли ҳолат. Ўйлашимча, Фалькао бундай роль учун ҳаддан ташқари яхши», - деди Реднапп.