Германия терма жамоасини жаҳон чемпиони қилган мураббий Йоахим Лёвнинг мураббийлик фаолияти ҳақида кўпчилик маълумотга эга. Биз унинг ҳаёти, оиласи ва қизиқишлари ҳақида қизиқарли фактларни эътиборингизга ҳавола қилишни лозим деб топдик.

1. 1960 йил 3 февральда Германияда таваллуд топган.

2. Фрайбургдаги иқтисодиёт университетида ўқиб, савдо бўйича мутахассис дипломига эга бўлган.

3. Мактабда ўқитувчи бўлиб ишлайдиган Даниела билан оила қурган.

4. Лёвнинг фарзанди йўқ.

5. Соғлигига алоҳида эътибор беради. Айтишларича ҳар куни барвақт уйғониб 5 км масофага эринмай югурар экан.

6. “Mersedes” автомобилини катта тезликда хайдашни ёқтиради.

7. Севимли машғулоти Парапланда учиш.

8. Сигарет чекишни ҳам канда қилмайди. “Марлбро” унинг севимли маркаси.

9. Турк таомлари ва италян виносини хуш кўради.

10. Лёв чап қўлида ёзади.

11. Коллекциясида турли хилдаги соатлар мавжуд.

12. Китоб ўқишни яхши кўради. Айниқса тарихий асарларни.

Фурқат Юсупов тайёрлади
Манба: www.Furkat.uz