"Қироллик клуби"нинг икки нафар Испаниялик футболчилари Иско Аларкон ҳамда Начо Фернандезлар либосларидаги рақамларини алмаштирдилар. Бу ҳақда клуб расмий сайти маълум қилди.
Жамоа яримҳимоячиси Иско 23 рақамидан воз кечиб Ди Мариядан сўнг бўш турган 22 рақамини қабул қилиб олди. Иско "Реал"га келгунга қадар "Малага" сафида айнан 22 рақами остида тўп сурган эди. Аввал бу рақамда Карамбеу, Алонсо ва Ди Мария каби юлдузлар жамоа шарафини ҳимоя қилганлар.
Шу кунга қадар 18 рақамида тўп тепган ҳимоячи Начо Фернандез эса Хедирадан бўшаган 6 рақамини танлади. Ушбу рақамда Редондо, Элгуэра, М Диарра ва Хедира каби футболчилар фаолият юритганлар.













