«Бенфика» ҳимоячиси Сидни Кабрал «Реал» вингери Винисиус Жуниор билан футболка алмашиш фикридан қайтди.
Мадрид жамоаси плей-оффнинг иккала ўйинида ҳам ғалаба қозониб (1:0, 2:1), Португалия клубини Чемпионлар лигасидан чиқариб юборди. Мадридда бўлиб ўтган жавоб ўйинидан сўнг Кабрал Винисиусдан либос алмашишни сўраган — бразилиялик футболчи буни трибуна ости йўлагида амалга оширишни таклиф қилган.
«A Bola» нашрининг хабар беришича, Сидни бу вазиятни клуб раҳбарияти билан муҳокама қилмоқчи бўлган, бироқ ечиниш хонасига киргач, бундай алмашинув «жамоа ичида муаммолар туғдириши ва муҳитга салбий таъсир қилиши мумкинлигини» тушуниб етган.
Сидни рақибдан футболка сўраш қарори ўйламасдан қилинганини тан олди, бироқ у бу ишга бунчалик катта эътибор қаратилишини кутмаган эди. Якунда у алмашинувдан воз кечишга қарор қилди.
Эслатиб ўтамиз, ушбу жамоалар ўртасидаги биринчи ўйинда Винисиус Джанлука Престианнини ирқчиликда айблаган эди. Аргентиналик футболчи жавоб ўйинидан четлатилганди.
