Аввалроқ Антуан Гризманн «Атлетико»ни тарк этиши мумкинлиги ҳақида хабар берилган эди. МЛСнинг «Орландо Сити» клуби футболчи билан шартнома имзолашни истамоқда.
ОАВ маълумотларига кўра, мадридликлар футболчига «идеал» ўринбосар топишган. Испания гранди «Брюгге» вингери Кристос Цолисга эътибор қаратган. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. «Transfermarkt» портали грециялик футболчининг қийматини 30 миллион еврога баҳоламоқда.
Жорий мавсумда Кристос Цолис «Брюгге» сафида 38 та учрашув ўтказди. Ушбу баҳсларда вингер 12 та гол урди ва 16 та голли узатмани амалга оширди.
