Аввал хабар берганимиздек, ўзбекистонлик ФИФА рефериси Анна Сидорова айни вақтда Жанубий Кореяда бўлиб ўтаётган ХХVIII бутунжаҳон универсиядасида иш олиб бормоқда.
У бугунга қадар иккита ўйинни бошқарди. Ирландия — Хитой Тайпей (1:1) ҳамда Бразилия – Хитой (3:0) учрашувларидан сўнг, Сидоровага яна бир ўйинни бошқариш топширилди.
Ўзбекистонлик ҳакам энди 10 июль куни Ирландия ҳамда Колумбия ўртасидаги учрашувда ҳакамлик қилади.
Эслатиб ўтамиз, бутунжаҳон универсиадасида 170 давлатдан 12 минг нафардан зиёд талабалар 21 спорт тури бўйича кураш олиб боришмоқда.
