“Манчестер Юнайтед” футболчилари - Хуан Мата, Давид де Хеа ва Андер Эррера эркаклар ўртасидаги “Уимблдон” теннис турнирининг чорак финал учрашувларини кузатиб боришди. Ўйиндан кейин “қизил иблислар” турнирнинг етти карра чемпиони Рожер Федерер ҳамда мезбон спортчи Жейми Маррей билан суҳбатлашишди.
“Базель” жамоасининг мухлиси бўлган Федерер ўз жамоасининг бир мавсум олдинги Чемпионлар Лигаси баҳсида Мата тўп сурган “Челси” устидан қўлга киритган (1:0) ғалабасини ёдга олди.
“Мен ўшанда ўйинчилардан бири билан суҳбатлашганимда у менга: “Азар, Мата – жуда хавфли” деб айтганди. Кейин таркибни қарадим, у ерда сен йўқ эдинг. Шунда “Э, хайрият-эй” деб эркин нафас олганман”, деб айтиб ўтган Федерер.