"Барселона" ва Уругвай терма жамоаси ҳужумчиси Луис Суарес ўзига ортиқча жазо берган ФИФАнинг узр сўрашидан умидвор.
Эслатиб ўтамиз, 2014 йилги жаҳон чемпионати Суарес Италия термаси ҳимоячиси Жоржио Кьеллинини тишлагани учун тўққиз ўйинга дисквалификация қилинган эди.
"Годин гол урганидан сўнг ўзим хоҳлагандай хурсандчилик қила олмаган эдим, чунки хато қилганимни билар, бунинг учун мени жазо кутиб турганини сезар эдим. Менимча, ФИФА тартиб-итизом қўмитаси менга ўта оғир жазо берганини билади. Мен ФИФАнинг ортиқча жазо берганини тан олиб, кечирим сўрашини истайман, ахир мен хатомни тан олганман", - дейди Суарес.
