Янги Зеландия терма жамоаси Олимпиада-2016 саралаш босқичидан четлатилди, деб хабар бермоқда Championat.com.
Океания минтақаси Ванаутуга қарши ярим финал учрашувида Янги Зеландия 2:0 ҳисоби билан рақибдан устун келди ва Фижи термасига қарши финал ўйинида майдонга тушиши керак эди. Аммо бошқа мамлакат фуқаросини майдонга туширгани сабаб мусобақадан четлатилди.
Деклан Винн асли Жанубий Африка фуқароси ва у мусобақа қоидаларига кўра Янги Зеландия таркибида майдонга тушишга ҳақли эмас эди. Океания Футбол Конфедерацияси ўз расмий сайтида зеландиликларга техник мағлубият ёзилганини хабар қилди. Энди Рио де Жанейрода ўтадиган 2016-йилги Олимпиада ўйинлари йўлланмаси учун Ванауту ҳамда Фижи терма жамоалари кураш олиб боришади.
