Львов вилояти чемпионати вакили ҳисобланувчи Винниковскнинг “Рух” клуби Ўзбекистон миллий терма жамоаси собиқ ҳамда Киевнинг “Динамо” клуби собиқ ҳужумчиси Максим Шацких билан шартнома имзолади, деб хабар бермоқда MatchDay сайти ҳамда “Футбол 1” телеканали манбасига таяниб Championat.com.
36 ёшли футболчи 2014/15-йилги мавсумни “Говерла”да ўтказганди, Шацких “Рух”да ҳаракат қилиб спорт формасини ушлаб турмоқчи. “Рух” президенти Григорий Козловский “Металлист” билан шартномани узайтирмаган Украина терма жамоаси собиқ ҳужумчиси Эдмар билан ҳам музокара ўтказмоқда.
Эсатиб ўтамиз, “Рух”да Украина терма жамоаси, Киевнинг “Динамо”, Москванинг “Локомотив” ҳамда Маҳачқалъанинг “Анжи” клубларида ҳаракат қилган собиқ ярим ҳимоячи Александр Алиев ҳам ўйнайди.
