Мавсум бошида "Пахтакор" билан шартнома имзолаб, кейин "Бухоро"га кўчиб ўтган Алибобо Раҳматуллаевнинг янги жамоасидаги фаолияти кўнгилдагидек чиққани йўқ. 

Аслида нафақат Раҳматуллаевни, балки бутун бошли "Бухоро" чемпионатни кўнгилдагидек ўтказмади. Оқибатда Александр Мочинов ва у олиб келган футболчилар жамоани тарк этишга мажбур бўлишди. 

Олган маълумотларимизга кўра, Алибобо фаолиятини хорижда, аниқроғи Осиё мамлакатларида давом эттириши мумкин. Футболчи куни кеча Таиландга бориб келган. Катта эҳтимол билан футболчи ё Таиланд ёки Малайзия чемпионатида тўп суриши мумкин.