“Ювентус” бош директори Жузеппе Маротта Артуро Видалнинг яқин вақт ичида “Бавария”га кўчиб ўтишини тасдиқлади. У чилилик ярим ҳимоячисининг ўзи клубни алмаштиришни истаётганини раҳбариятга айтганини таъкидлаб ўтди.

– Ҳаммангиз футболнинг бизнес экани ва бу ерда ҳаммаси жуда тез содир бшлишини жуда яхши биласиз, – дея Маротта сўзларини келтиради Football Italia маълумотига асосланиб “СЭ”. – Шу сабабли Тевес, Пирло ва Видаль билан бўлаётган каби вазиятлардан тезда чиқиб кетишга интилишимиз лозим. Яқин вақт ичида Артуронинг трансфери амалга ошади. Шунингдек, бизни яна бошқа футболчилар ҳам тарк этаяпти - Огбонна, Сторари ва бошқа кўплаб футболчиларга ўз миннатдорчилигимни билдираман.

– Ҳар доим бизнинг футболчилар хоҳишига қарабуларни трансферга қўйишимизни айтиб келганман. Бу йил бу каби вазият кўп такрорланди. Тевес Аргентинага қайтишга рухсат беришимизни сўради. Пирло ҳаммага қарши борди ва янги ерда ўзини синаб кўрмоқчи эканини маълум қилди. Огбоннага ўйин амалиёти керак. Видаль билан эса “Бавария” вакиллари билан кўришишдан аввал гаплашдим. У ҳам бошқа клубда ўйнаб кўрмоқчи эканини айтди. Мен унинг шартномаси 2017-йилда якунига етиши кераклигини ҳам инобатга олдим албатта, мюнхенликлар эса Артурога беш йиллик келишув таклиф қилишаяпти, бу футболчи келажаги учун ҳам муҳим.