«ПСЖ» ҳужумчиси Златан Иброҳимович ўзига нисбатан бошқа жамоалардан қизиқиш бўлаётгани борасида ўз фикрларини билдириб ўтди.
«Менинг «ПСЖ» билан шартномам яна бир йил амалда бўлади. Шу боис, мен ҳамон бу жамоа аъзосиман. Мен бу ерда бахтлиман. Бу ердаги 3 йиллик фаолиятим ажойиб ўтди. Бу ерда эришган натижаларимни ҳеч ким мендан тортиб ололмайди. «ПСЖ» — фантастик жамоа. Мен бу ерда ажойиб футболчилар билан бирга ўйнаяпман, Европанинг энг яхши шаҳрида яшаяпман. Мени барча нарса қаноатлантиряпти.
Миш-мишлар ҳамиша бўлади. Бошқа жамоалар менга нисбатан қизиқишни сақлаб тургани ёқимли, аммо мен «ПСЖ» футболчисиман», — дейди Иброҳимович.