«Манчестер Юнайтед» бош мураббийи Луи ван Гал дарвозабон Серхио Ромеро билан шартнома имзолангани борасида ўз фикрларини билдириб ўтди.
«Серхио жуда иқтидорли дарвозабон. У ҳали ёш чоғида "АЗ" сафида менинг қўл остимда ўйнаган. Унинг «Манчестер Юнайтед»га ўтганидан хурсандман.
У ЖЧ-2014да ажойиб ўйин кўрсатганини эслайман. У жамоамизни кучайтиради. У билан яна бирга ишлашимизни кутяпман», – дейди ван Гал.
Эслатиб ўтамиз, Аргентина терма жамоаси посбони «Сампдория»дан «МЮ»га эркин агент сифатида ўтди ва «3+1» кўринишида шартнома имзолади.
