“ПСЖ” ҳимоячиси Давид Луиз “Манчестер Юнайтед” ярим ҳимоячиси Анхель Ди Мариянинг Париж клубига ўтиши борасида тарқалган хабарларга изоҳ бериб ўтди.
“Биз Чемпионлар Лигасида ғалаба қозонишни истаймиз, Ди Мария эса бизни янги даражага кўтарилишимизда кўмак бера оладиган футболчи. Ди Мария — дунёнинг энг яхши вингерларидан бири, у тезкор, техникага эга, жамоавий футболда наф келтира оладиган ва индивидуал ҳаракати билан вазиятни ҳал қила оладиган ўйинчи. У пас беришни ҳам гол уришни ҳам уддалайди.
Гоҳо бошқа клубга ўтгач ишинг юришмаслиги мумкин, лекин у барибир фантастик футболчи бўлиб қолаверади. Мен уни “Бенфика”даги ўйинлари орқали танийман. Биз жуда ёш бўлган вақтимизда бирга ўйнаганмиз. Унга ҳудди мен каби Франция биринчи лигаси ёқади. Анхель — менинг дўстим ва унинг ўйини менга манзур бўлган”, — дея Давид Луиз сўзларини келтиради Goal.com га таяниб Championat.com.