Шарқий Осиёда йиғин ўтказаётган “Манчестер Сити” бугун Вьетнам терма жамоаси билан ўртоқлик учрашуви ўтказди.

Интрига кузатилмаган ушбу учрашувда “шаҳарликлар” икки тайм учун тўрттадан гол киритишди. Меҳмонлар сафида Раҳим Стерлинг, Давид Сильва, Александр Коларов дубл қайд этишган бўлса, ёш футболчилар Лопеш ва Посо ҳам асосий жамоа таркибида илк голларини киритишди.

Вьетнам терма жамоаси киритган ягона голга эса ван Кует қўшиб берилган дақиқада муаллифлик қилди.
 
Ўртоқлик учрашуви.
ВЬЕТНАМ ТЕРМА ЖАМОАСИ – МАНЧЕСТЕР СИТИ (АНГЛИЯ) – 1:8 (0:4)
Голлар: 0:1 – Коларов (11), 0:2 – Стерлинг (19), 0:3 – Сильва (21), 0:4 – Стерлинг (31), 0:5 – Коларов (51), 0:6 – Сильва (65), 0:7 – Лопеш (73), 0:8 – Посо (78), 1:8 – ван Кует (90+1).
“Манчестер Сити”: Харт, Санья, Коларов, Мангаля, Дэнэйер, Эванс, Гарсия, Стерлинг, Навас, Сильва, Ихеаначо.