Хабарингиз бор, кеча Ханоеда Вьетнам терма жамоаси Англиянинг “Манчестер Сити” клубига қарши ўртоқлик учрашуви ўтказди ва 1:8 ҳисобида мағлуб бўлди.

Маҳаллий мухлислардан бири жамоасининг аламли мағлубиятига чидолмай ўйин учун чиқарилган 10 дона чиптани ёқиб юборди, деб ёзади eurosport.ru.

Вьетнамлик футбол мухлиси ўзининг ушбу ҳаракати тасвирланган роликни YouTube тармоғига жойлаштирар экан, “Манчестер Сити”ни мухлислар ва унинг мамлакатига нисбатан ҳурматсизлик қилганликда айблади.

Ролик муаллифининг айтишича, “Сити” футболчилари етарли даражада очиқкўнгил бўлишмаган ва стадионга ташриф буюрган мухлисларга миннатдорчилик билдиришмаган.

Кўплаб вьетнамликлар ролик муаллифининг фикрларини қўллаб-қувватлашган.