Хабар берганимиздек, бугун ЎФФ мажлислар залида Ўзбекистон Биринчилигининг 2-босқич ўйинларига қуръа ташлаш маросими бўлиб ўтди. 

Тадбирда сўзга чиққан ПФЛ “Спорт” бўлими бошлиғи ўринбосари Роман Черников қарздор клубларни, хусусан, “НБУ-Осиё” ва “Оқ-тепа”ни огоҳлантирди. Бунгача "Косонсой" жамоасининг ҳам қарзи борлиги ҳақида хабар бергандик.

Роман Черников (“Спорт” бўлими бошлиғи ўринбосари): - Иштирокчилар яна бир бор қарзлар, жарималар ҳақида эслатиб ўтаман. Бугун тадбирда қатнашганлар, ПФЛ бухгалтериясига учрашсин. Қандайдир тушунмовчиликлар бўлса, улар сизларга ҳаммасини тушунтириб беришади. Нимага, қанча қарзларинг борлигини айтишади. Масалан, “НБУ-Осиё” вакили сизлар бир ярим миллион жарима тўлашларинг керак. Жаримани тўлаб қўймасаларинг, янги ўйинчиларингни “заявка”дан ўтказишга рухсат берилмайди. Бундай муаммолардан қочиш учун “заявка”га келишларингдан олдин қарзларни тўлаб қўйинглар. Бу “Оқ-тепа” жамоасига ҳам тегишли. Сизлар ҳам бухгалтерияга учрашиб кетинглар.