29 июль куни ФИФА президентлиги учун сайловда иштирок этишини расман маълум қилган УЕФАнинг амалдаги раҳбари сайловда ғалаба қозонганидан кейин ҳам УЕФАда ишлашда давом этиши мумкин.

ФИФА ва УЕФА Низомларига кўра франциялик функционер ҳуқуқий жиҳатдан бир вақтнинг ўзида ҳар икки ташкилотда президентлик лавозимида ишлаши мумкинлиги кўрсатилган. Бу ҳақда ТАСС нашри хабар берган.

Эслатиб ўтамиз, ФИФАнинг янги президентини аниқлаш учун 2016 йилнинг 26 февралида сайлов ўтказилади. Ҳозиргача Платинидан ташқари бразилиялик мураббий Зико ҳамда аргентиналик собиқ футболчи Диего Марадона бу сайловда қатнашиш истагини билдирган. Номзодлар шу йилнинг 26 октябрига қадар ўз “заявка”ларини жўнатишлари шартлиги белгилаб қўйилган.