Эртага Эроннинг Исфахон шаҳрида футзал бўйича клублар ўртасидаги Осиё чемпионатига старт берилади. Мазкур мусобақада “Локомотив” футзал клуби ҳам иштирок этади.
Клублар ўртасидаги Осиё чемпионати 31 июль – 7 август оралиғида бўлиб ўтади. “Локомотив” футзал клуби “В” гуруҳида баҳсларга киришади ва Япониянинг “Нагойя Оушенс” ҳамда Қирғизистоннинг “Эмгек” жамоасига қарши ўйнайди. Эслатиб ўтамиз, “Нагойя Ошинз” ушбу мусобақанинг амалдаги ғолиби саналади.
Аҳад Юсупов бошқарувидаги жамоа ўзининг илк учрашувини эртага “Нагойя Оушенс”га қарши ўтказади.
Қуйида Осиё чемпионатида иштирок этадиган футзалчиларимиз рўйхатини келтириб ўтамиз:
Фарҳод Мираҳмедов, Сарвар Шоаҳмедов, Акмал Ҳазратқулов, Тоҳир Абдураззоқов, Феруз Фахриддинов, Искандар Холмаджонов, Шокир Ходиев, Шуҳрат Аҳмедов, Александр Шин, Орифхўжа Акбархўжаев, Илҳомбой Шарипов, Санжар Зиёхонов, Ойбек Полвонов.
