Биринчи даврадан сўнг “Бухоро” жамоаси 5 очко жамғарган ҳолда турнир жадвалининг сўнгги поғонасидан ўрин олиб турибди. Ушбу кўрсатгич Бухоро футболи учун, “Бухоро” жамоаси учун тарихдаги энг ёмон кўрсатгич бўлиб турибди. Жамоа ташкил топган йилдан бошлаб ҳали бирон маротаба биринчи даврани 5 очко билан якунланмаган.

Бу ҳолат иккинчи даврадан олдин жамоада катта ислоҳотлар қилиниши шарт эканлигидан далолат берарди, амалда шундай ҳам бўлди.

Мураббийлар штаби деярли янгиланиши билан бирга, жамоа кўплаб янги футболчиларни ҳам ўз сафига қўшиб олди.

Бугунги кунга келиб кўрикдан ўтаётган футболчиларнинг барчаси жамоа билан шартнома имзолаб бўлишди.

Демак, расман “Бухоро” ўз таркибига қўшиб олган янги футболчилар:

Кобулжанов Сардор Рафкатович Ўзбекистон  (Локомотив) Давлатов Нодиржон Боходиров Ўзбекистон  (Машъал) Мельзиддинов Руслан Адхамович Ўзбекистон  (Нафт Мажид Сулаймон-Эрон) Георгиев Сергей Молдова  (Навбаҳор) Саноев Алишер Самадович Ўзбекистон  (Қизилқум) Муродов Маъруфхон Ўзбекистон (Динамо) Ибрагимов Азиз Шакирович Ўзбекистон (Динамо) Фомин Максимилиан Евгеньевич Ўзбекистон (Динамо) Чипев Николай Стаменов Болгария (Динамо) Смоляченко Павел Павлович Ўзбекистон (Динамо) Аюпов Тимур Джамшидбекович Ўзбекистон (Бунёдкор) Бу футболчилар жамоа билан шартнома имзолашди ва бундан буён “Бухоро” шарафини ҳимоя қилишади. Трансфер ойнаси ёпилишига ярим ойдан зиёд вақт бор, демак “Бухоро” яна ўз сафини кенгайтириш имкониятига эга.