Хабар бериб ўтганимиздек, бугун 31 июль куни “Локомотив” сафига келиб қўшилган футболчилар (Иван Нагаев ва Мўйдин Мамазулумов)ни ОАВ ходимларига таништирмоқчи эдик.
Бироқ айрим сабабларга кўра, бугунги тадбир бошқа кунга қолдирилди. Бунга сабаб шуки, олий лиганинг иккинчи давраси учун футболчиларни рўйхатдан ўтказиш 15 август кунигача очиқ бўлади ва бу орада “Локомотив” сафига яна янги ўйинчи келиб қўшилиши мумкин.
Шу боис ҳам жамоамиз мураббийлар штаби таништирув маросимини кейинроқ муддатга қолдиришни маъқул кўришди.
“Локомотив” ПФК матбуот хизмати.
