"Манчестер Юнайтед" клуби ярим ҳимоячи Анхель Ди Марияни 360 минг фунт стерлинг миқдорида жаримага тортди.
Бунга сабаб сифатида футболчи жамоа АҚШда ўтказаётган йиғинда иштирок этишдан бош тортгани кўрсатилмоқда. Эслатиб ўтамиз, "МЮ" бош мураббийи Луи ван Гал мавжуд вазиятга изоҳ бераркан, Ди Мария қаерда эканини мутлақо билмаслигини айтган.
Айни вақтда "ПСЖ" ва "МЮ" ўртасида Анхель Ди Марияни сотиб олиш борасида музокара кетмоқда. Аргентиналик футболчи яқин вақтлар ичида "ПСЖ"га ўтиши кутилмоқда.