Давралар орлалиғида жамоамиз асосий таркиби учун олти нафар футболчини рўйхатдан ўтказди.

Йиғинлар давомида иштирок этган қуйидаги футболчилар мавсум иккинчи қисмини "Навбаҳор" сафида ўтказишади. Дарвозабон Акмал Ортиқов 87-рақам, ҳимоячилар Ботир Тўрабоев 3-рақам, Қаҳрамон Маҳаммаджонов 26-рақам, Тоҳир Шамситдинов 33-рақам, ярим ҳимоячилар Ғайрат Жўраев 23-рақам, Алибобо Раҳматуллаев 70-рақам ва ҳужумчи Даврон Исоқов эса 18-рақам остида ҳаракат қиладиган бўлишди. Шунингдек, ёшлар таркибига Билол Шарофиддинов ва "Машъал"дан келган Шоҳжаҳон Аббосовларни ҳам рўйхатдан ўтказиш учун ПФЛга тегишли хужжатлар топширилди. Лекин, Шарофиддинов тиббий кўрик билан боғлиқ муаммога дуч келганлиги боис унга жамоа сафида ўйнашга кейинроқ рухсат берилади. Асли тўрақўрғонлик бўлган Аббосовнинг хужжатларни "Машъал" тақдим этгани йўқ. Яъни муборакликлар футболчини шунчаки қуйиб юбормаслик учун ижара асосида жамоамизга ўтишини кўзлашмоқда. Мураббийларимиз эса Аббосовни ижарага олишни исташмаяпти