Сўнгги пайтларда “Бунёдкор” жамоасининг асосий таркибини клуб академияси тарбияланувчилари тўлдириб келишмоқда.
Бош мураббий Сергей Лушчан ёш футболчиларни майдонга тушираётгани, статистикада ҳам, жамоанинг ўртача ёши кескин равишда ёшарганини кўрсатиб турибди.
“Қалдирғочлар” куни кеча олий лига 17-тури доирасида Навоийнинг “Қизилқум” клубини қабул қилишиб, 2:1 ҳисобида ғалаба қозонишди. “Бунёдкор”га ғалаба келтирган ҳар иккала гол ёш ҳужумчи Элдор Шомуродов томонидан киритилди.
Шу куни Сергей Лушчан жорий мавсумдаги ҳозирча энг ёш бўлиб турган таркибни майдонга туширди. “Қизилқум”га қарши баҳснинг асосий таркибидаги 11та футболчининг 5таси 1995-96 йилларда таваллуд футболчиларни ташкил этган бўлса, яна учтаси 1991 ва ундан кичик ёшда туғилган футболчилардан иборат эди. Шу куни “Бунёдкор”нинг ўртача ёши 24,5ни ташкил этди.
