"Реал" ҳимоячиси Серхио Рамос яқин вақтлар ичида клуб билан янги шартнома имзолайди, дея хабар беради Marca.
Янги шартнома 2020 йилгача тузилади. Ҳимоячининг аввалги шартномаси 2017 йилда ниҳоясига етиши керак эди. Душанба куни "Реал" "Сантьяго Бернабеу"да махсус маросим ўтказни режалаштирмоқда.
Серхио Рамос 2005 йилдан буён мадридликлар сафида ўйнаб келмоқда, бунгача "Севилья" шарафини ҳимоя қилган. Рамос "Реал" сафида 10 та совринни қўлга киритган.
Аввалроқ футболчининг "МЮ"га ўтиши ҳақида хабарлар тарқалган эди.