16 август куни "Пахтакор" олий лиганинг 18-турида "Бухоро" меҳмони бўлади.
Бухороликлар иккинчи давра олдидан таркибни бир қатор тажрибали футболчилар билан тўлдиришди. 5 очко билан сўнгги поғонада бораётган жамоа учун энди ҳар бир учрашув катта аҳамиятга эга.
Жамоалар олий лигада 45 бор тўқнаш келишган. Шулардан 32тасида “Пахтакор” ғолиб бўлган, 7та ўйинда ғолиб аниқланмаган. “Бухоро” ҳозирга қадар “Пахтакор”ни 6 марта мағлуб этган. Тўплар нисбати “Пахтакор” фойдасига 100:32ни ташкил қилмоқда. “Бухоро” ўз майдонида “Пахтакор”ни беш марта мағлуб этган. Олти бор Бухорода дуранг қайд этилган. “Шерлар” бу жамоа майдонидан 11 бор ғалаба билан қайтишган. Охирги икки йилда “Пахтакор” Бухорода гол ура олмаган.
Ўйинни Олим Толибжонов бошчилигидаги ҳакамлар бошқаради. Ушбу рефери бу мавсумда "Нефтчи" билан беллашувда ҳакамлик қилган ва ўшанда жамоамиз 2:0 ҳисобида зафар қучганди.
Ёшлар таркиблари 15 август, шанба куни соат 17:00да "Бухоро" стадионида учрашувни бошлашса, асосий жамоалар баҳсига 16 август, якшанба куни соат 18:30да шу стадионда старт берилади.
"БУХОРО" - "ПАХТАКОР"
Ҳакамлар: Олим Толибжонов (Тошкент), Владлен Лушин (Гулистон), Наби Рўзимов (Тошкент), Исҳоқ Иброҳимов (Нукус).
Назоратчи: Игорь Нехочин (Наманган).