“Ювентус” ҳужумчиси Фернандо Льоренте фаолиятини “Севилья”да давом эттирмоқчи, деб хабар бермоқда Marca га таяниб Sports.ru.
Хабарга кўра, 30 ёшли испаниялик форвард Андалусия клубига ижара шартномаси асосида кўчиб ўтади. Испания газетасининг ёзишича, “Ювентус” Льорентени “Реал” ярим ҳимоячилари Иско ёки Асьер Ильярраменди трансферининг бир қисмига айлантиришни режалаштирган, аммо “қаймоқранглилар” бу борада билдирилган иккала таклифни ҳам рад этган. Льоренте “Севилья”га “Ювентус” янги ҳужумкор ярим ҳимоячини таркибга қўшиб олганидан кейин келиши кутилаяпти.
