“Реал Сосьедад” “Реал” ярим ҳимоячиси Асьер Ильярраменди трансферини келишиб олди.
Спорт Экспресс нашрининг италиялик таниқли журналист Танкреди Палмери твиттерига таяниб ёзишича, мадридликлар 25 ёшли испаниялик футболчини 16 миллион еврога қўйиб юборишга рози бўлишган.
Эслатиб ўтамиз, “Қироллик клуби” 2013-йилда хавбекни баскларда 30 миллион эвазига сотиб олганди.
Ильярраменди хизматларига “Ливерпуль” ва “Саутгемптон” ҳам бефарқ эмас.
“Реал”да ўтказган икки мавсуми давомида Ильярраменди Примерада 59 ўйин ўтказган ва 2 та гол киритганди.
