“Манчестер Юнайтед” дарвозабони Виктор Вальдес “Бешиктош”га ўтади, деб хабар бермоқда Bombardir.ru..
Хабарга кўра, Туркия ва Англия клублари голкипер трансферини келишиб олишган. Вальдес янги жамоа сафига 2 миллион евро эвазига ижара асосида кўчиб ўтади ва келишув “2+1” шаклида амалга оширилади.
“Юнайтед”га Вальдес шу йилнинг январь ойида кўчиб ўтганди, бироқ шу вақтгача жамоа асосий таркибида атиги 2 та учрашув ўтказган, холос. Виктор ёшлар жамоаси таркибида ўйнашни истамаганидан кейин клуб уни трансферга қўйди.
