“Қўқон-1912” – “Олмалиқ” ўйинидан кейин ташкил этилган матбуот анжуманинг биринчи қисмида меҳмонлар устози Игорь Шквирин қатнашди.
- Ўйин кутилганидек қийин кечди. “Қўқон-1912” жамоасида ғалабага бўлган иштиёқ кучли эди. Шунинг учун уч очкони қўлга киритиш осон бўлмади. Бундан ташқари, стадионга йиғилган мухлисларнинг тинимсиз қўллаб-қувватлаши ҳам мезбонларга қушимча куч бахш этиши аниқ эди.
Гол уришдан ташқари, бир иккита имкониятдан ҳам фойдалана олмадик. Айниқса, гол ўтказиб юборилганидан кейин майдон эгалари катта куч билан олдинга ташланишди. Биз эса қарши ҳужумлардан самарали фойдаланишимиз мумкин эди.
