Испания Футбол Федерацияси “Фурия Роха” ҳамда Англия терма жамоалари ўртасида 14-ноябрда ўтадиган ўртоқлик учрашувини Мадридда – “Сантьяго Бернабеу”да ўтказиш юзасидан иш олиб бормоқда.
 
Федерациядагилар мадридлик мухлисларнинг Испания терма жамоаси ҳимоячиси Херард Пикега қўпол муносабатда бўлишлари ва уни ҳуштакбозлик билан қарши олишларидан хавотирдалар.

Футболчининг ўзи ҳам терма жамоадаги фаолияти борасида жиддий ўйлаб қолган, мураббийлар штаби ва терма жамоадаги шериклари Пикени қўллаб-қувватлашмоқда.
 
Аввал Пике Каталониянинг Испаниядан ажралиб чиқиши ва мустақил мамлакатга айланиши борасида кескин фикр билдиргани сабаб мухлислар норозилигига учраганди.