Хосеп Гвардиола жорий мавсум якунида «Манчестер Сити» бош мураббийи лавозимини тарк этиши мумкин.

«Touchline» нашрининг маълумотларига кўра, Манчестер клубидаги фаолияти якунлангач, испаниялик мутахассиснинг битта орзуси қолади — у ҳам бўлса Жаҳон чемпионатида ғалаба қозониш. Гвардиола айнан бир аниқ терма жамоани бошқаришни мақсад қилмаган. У халқаро майдонда рақобатбардош бўла оладиган исталган кучли терма жамоа билан ишлашни хоҳлайди.

Хосеп Гвардиола 2016 йилдан бери «Манчестер Сити»ни бошқариб келмоқда. Унинг қўл остида «шаҳарликлар» 18 та совринни қўлга киритишди, улар орасида олтита Англия чемпионлиги ва Чемпионлар лигаси ғолиблиги бор. Испаниялик мутахассиснинг «Манчестер Сити» билан амалдаги шартномаси 2027 йилнинг ёзига қадар мўлжалланган бўлса-да, унинг келажаги борасидаги миш-мишлар тинмаяпти.