«Вильярреал» ҳимоячиси Сантьяго Моуриньо Ла Лига пешқадами «Барселона»га қарши ўйин олдидан ўз жамоасининг имкониятларини юқори баҳолади.
Уругвайлик футболчининг таъкидлашича, «сариқ сув ости кемаси» «Камп Ноу»га шунчаки меҳмон сифатида эмас, балки ғалаба қозониш ва орадаги 10 очколик фарқни қисқартириш учун йўл олмоқда.
«Биз «Барселона»ни мағлуб этишни истаймиз. Улар ўз уйларида барча ўйинларда ғалаба қозонишган, кўрайлик-чи, ушбу серияни тўхтата олармиканмиз. Рақиб жасоратли ўйин кўрсатади ва майдонда бўш ҳудудлар қолдиради, биз эса қарши ҳужумлардан унумли фойдаланишимиз керак», — деди Моуриньо.
Шунингдек, у Ханси Флик бошқарувидаги «Барселона»нинг юқори ҳимоя чизиғини жамоаси учун қулай имконият деб ҳисоблашини қўшимча қилди.
