«Vilyarreal» himoyachisi Santyago Mourinyo La Liga peshqadami «Barselona»ga qarshi o‘yin oldidan o‘z jamoasining imkoniyatlarini yuqori baholadi.
Urugvaylik futbolchining ta’kidlashicha, «sariq suv osti kemasi» «Kamp Nou»ga shunchaki mehmon sifatida emas, balki g‘alaba qozonish va oradagi 10 ochkolik farqni qisqartirish uchun yo‘l olmoqda.
«Biz «Barselona»ni mag‘lub etishni istaymiz. Ular o‘z uylarida barcha o‘yinlarda g‘alaba qozonishgan, ko‘raylik-chi, ushbu seriyani to‘xtata olarmikanmiz. Raqib jasoratli o‘yin ko‘rsatadi va maydonda bo‘sh hududlar qoldiradi, biz esa qarshi hujumlardan unumli foydalanishimiz kerak», — dedi Mourinyo.
Shuningdek, u Xansi Flik boshqaruvidagi «Barselona»ning yuqori himoya chizig‘ini jamoasi uchun qulay imkoniyat deb hisoblashini qo‘shimcha qildi.
