“Милан” ҳужумчиси Марио Балотелли “Реал”ни ҳеч қачон ҳақоратламаганини маълум қилди.

Аввалроқ Оммавий ахборот воситалари италиялик футболчининг “Қироллик клуби” ҳақидаги ҳазилларини намойиш этганди. Унга кўра Балотелли “Барселона”да иккита стадион – мезбонлик учрашувлари учун “Камп Ноу” ва машғулотлар учун «Сантьяго Бернабеу» борлигини таъкидлаган.

“Буни ҳамма билишини хоҳлайман. Мен ҳеч қачон “Реал”ни ҳақорат қилмаганман ва бундай қилмайман.  “Реал” – орзулар жамоаси”, — деб ёзади Баотелли “Твиттер”даги саҳифасида.