“Бунёдкор” – “Металлург” учрашувидан кейинги матбуот анжуманининг биринчи қисмида бекободликлар устози иштирок этди.
- Омад биздан юз ўгирди. Сен урмасанг сенга уришади, деб бекорга айтишмайди. Бу жиҳат бугун яна бир ўз исботини топди. Бизда рақибларга қараб тактика тузамиз. “Бунёдкор” билан қарши ҳужумда ўйнамоқчи эдик. Буни биринчи бўлимда амалда қўлладик ҳам. Бироқ танаффус арафасида Шаҳзодбек Нурматовни жароҳат олишиб, майдонни тарк этишини кутмагандим. Нурматовнинг майдонни тарк этиши режаларимизни ўзгартириб юборди. Таркибимизда авлодлар алмашувини ҳам амалга ошириб боряпмиз. Асосий жамоада ўйнаётган ёш футболчиларимиздан мунтазам равишда барқарор ўйин кутиб бўлмайди. Биринчи давра охирларида кетма-кет ғалабалар қозонгандик. Лекин хозир омадимиз чопмаяпти, - дейди Рустам Тўхтамуродович.