Тошкентнинг “Бунёдкор” жамоаси ўз тарихида саккизинчи бор Ўзбекистон кубоги финалига йўлланма олди.
“Қалдирғочлар” бунгача етти бор ҳал қилувчи баҳсда иштирок этишиб, шуларнинг тўрттасида кубокни боши узра кўтарганлар, деб хабар беради “Бунёдкор” клуби расмий сайти.
2015 йилги мамлакат кубоги финалида “Бунёдкор” ва Қаршининг “Насаф” жамоалари ўзаро куч синашишади. Қайд этиш керакки, бунгача “қалдирғочлар” воҳаликлар билан икки бор финалда рўбарў келиб, ҳар иккала сафар ҳам зафар қучишган.
“Бунёдкор” иштирокидаги Ўзбекистон кубоги финаллари:
2007. “Бунёдкор” – “Пахтакор” 0:0 (пен. бўй. 6:7)
2008. “Бунёдкор” – “Пахтакор” 3:1
2009. “Бунёдкор” – “Пахтакор” 0:1
2010. “Бунёдкор” – “Шўртан” 1:0
2012. “Бунёдкор” – “Насаф” 3:0
2013. “Бунёдкор” – “Насаф” 2:1
2014. “Бунёдкор” – “Локомотив” 0:1
2015. “Бунёдкор” – “Насаф” -:-
