Бразилия терма жамоаси собиқ сардори Кафу Чили ҳамда Венесуэлага қарши ЖЧ-2018 саралаш ўйинлари вақтида бош мураббийга ёрдам беради. Учрашувлар 9- ва 14-октябрь кунлари бўлиб ўтади.
Кафу “пентакампеонлар” сафида 1989 – 2006-йиллар давомида ўйнаган ва мамлакат бош жамоаси таркибида 142 учрашув ўтказган ва бу борада мутлақ рекордчи ҳисобланади.
У Бразилия чемпион бўлган ЖЧ-1994 ва ЖЧ-2002да, шунингдек, ЖЧ-1998(кумуш медал) ва ЖЧ-2006да ҳам иштирок этган. Қизиғи сардорлик боғичини Кафу айнан Дунгадан қабул қилиб олганди.
