“Тоттенхэм” бош мураббийи Маурисио Покеттино Европа Лигаси 1-тури “Қорабоғ”га қарши ўйиндан (3:1) олган таассуротлари ҳақида гапирар экан кореялик форвард Сон Хёнг Минни дублга эришгани билан табриклади.
Жанубий Корея терма жамоаси футболчиси инглиз клуби таркибидаги илк голларини айнан кечаги учрашувда киритган. Покеттинонинг сўзларига кўра Озарбойжон клуби билан ўйинда лондонликлар ҳақли ғалабага эришишди.
- Сон Хёнг Мин учун жуда ажойиб, голларга бой дебют бўлди, - дея Покетинно сўзларини келтиради Goal.com га асосланиб Спорт Экспресс. - У жуда ажойиб йигит, иккита муҳим голни рақиб дарвозасига михлаб қўйди.
- “Тоттенхэм” ғалабага ҳақли эканини намойиш қилди. Биз барқарор ўйнадик. Натижадан қониқдим.
