Италия терма жамоаси таркибида ЖЧ-2006 ғолиблигини қўлга киритган ҳимоячи Жанлука Замбротта ЖЧ-2018 музбони бўлган Россия терма жамоаси ушбу мундиалда кучли саккизлигига чиқа олишини таъкидлади.

“Ювентус”, “Барселона” ва “Милан” каби клубларда ўйнаган собиқ футболчининг фикрича мезбонлар тўрт йилликнинг энг нуфузли мусобақасида муваффақиятга эриша олишади.

– Россияда ўзимни жуда яхши ҳис қилаяпман ва ушбу мамлакатга яна ва яна келишни истардим, – дейди Замбротта Спорт Экспресс нашрига берган интервьюси чоғида. – Россия терма жамоаси мезбон бўлгани учун ҳам ушбу мусобақада катта ютуқларга эришиши мумкин. Менимча руслар кучли саккизталикка кира олишади, ¼ финалдан уёғига нима бўлишини эса олдиндан айтиб бўлмайди!