"Бухоро” ярим ҳимоячиси Азиз Ибрагимов жамоани олий лигага қолишига ишонмоқда. У бу ҳақида “Футбол Экспресс” мухбирига айтиб ўтди.
- Агар “Бухоро” олий лигадан тушиб кетса, бу ёмон. Чунки Бухорода футболга жуда қизиқишади ва қадрлашади. У ерда жамоани олий лигада олиб қолиш учун барча шароитни яратиб беришяпти. Вилоят ҳокими клуб қароргоҳига келиб, футболчилар билан гаплашяпти ва қандай камчиликлар борлигини сўраяпти. Айтганимдек, жамоа олий лигадан тушиб кетса, афсусланарли бўлади. Лекин мени бу ҳақида ўйлагим ҳам келмаяпти. Биз элитада қолиш учун охиригача курашамиз.
