“Челси” ҳимоячиси Курт Зума жамоа форварди Диего Костанинг АПЛ 6-тури “Арсенал”га қарши ўйиндаги(2:0) ҳаракатларига баҳо берди.

- Сиз Диего Костанинг бу ҳаракатларидан хайрон бўлдингизми?
- Йўқ, биз Диегони яхши биламиз ва унинг қилган ишидан ҳайратга тушганимиз йўқ. Ҳамма Костанинг феъл-атворини яхши билади. Бу йигит найранг ишлатиб рақиб футболчиларини доғда қолдиришни яхши ўзлаштирган.

Бу фақат ўйинга таллуқли ҳаракат, ҳаётда Диего – жуда яхши инсон. Биз жамоамиздаги кучли футболчилар борлигидан фахрланамиз”, – дея Зуманинг beIN Sport га берган интервьюсини келтирмоқда Sports.ru.

Эслатиб ўтамиз, Диего Коста “Лондон дербиси” вақтида Косьельнининг юзига “ҳужум” уюштирган, “Арсенал” ҳимоячиси Габриэл Паулиста эса шеригини ҳимоячи қилгани учун майдондан четлатилганди, қизиғи Диего Костага ушбу вазият учун фақат сариқ карточка кўрсатилган.

Бугун FA Коста ва Косьельни ўртасида бўлган тўқнашувни қайта кўриб чиқади ва “Челси” ҳужумчиси 3 та ўйинга дисквалификация қилиниши мумкин.