22-турда "Навбаҳор"га қарши сафардаги учрашув Анвар Солиев учун олий лигада 400-учрашувга айланди.

Солиевга қадар 400лик маррага Асрор Алиқулов, Анвар Бердиев, Вали Келдиев, Рўзиқул Бердиев, Абдумажид Тоиров, Ботир Қораев, Мухтор Қурбонов ва Нўъмон Ҳасанов етиб келганди. Солиев эса 9-бўлиб шундай натижага эришиб, олий лига афсоналари қаторидан ўрин олди.

Солиев "Пахтакор"да 202, "Бунёдкор"да 102, "Навбаҳор"да 85 ва "Насаф"да 11 ўйинда иштирок этган. Жамоамиз сафида 85, "Бунёдкор"да 46, "Навбаҳор"да 29 ва "Насаф"да 3 гол муаллифига айланган.

Анвар ҳозиргача 11 бор Ўзбекистон чемпиони ва 9 марта Ўзбекистон Кубоги соҳиби бўлган. Бу борада у мутлоқ рекордчи ҳисобланади.